【讀者投稿】《挑戰者1號 Ready Player One》: 值8分既遊戲科幻片

呢套電影係我近年入戲院自我評分頗高嘅一套電影,尤其係喺近年眾多3D科幻大片之中。呢套電影嘅主角人選面口比較新鮮,新面口有個好處,就係佢一出場你唔會即刻認定佢係主角,當然呢套戲既舖排都相當明顯直接。

【撰文:大頭仔】

【讀者投稿】《挑戰者一號 Ready Player One》: 史匹堡近十年最精彩的作品

unnamed_2_1440x810.0.jpg

另外,同其他大片唔同,唔會突然有一兩個熟口熟面中國電影明星pop up,講2句抓不到癢處既對白。反而有兩個華人面口(係日本籍人設),呢兩個角色都有D梗,令人有驚喜,尤其係哥c9大戰高達時,我都嘩咗一聲。男主角既遊戲造型其實有啲MK,唔知有冇人有同感。不過女主角遊戲造型就真係幾索,我覺得佢個樣有D似金魚。

另外,我幾中意ANORAK呢個遊戲角色及真人人設,講野好慢,玩GAME玩到神級卻一啲毒味都無。我覺得佢既真人造型、氣質同故事都好似某水果手機既已故創辦人。

電影遊戲嘅畫面幾靚,體驗好豐富,呢套戲做3D幾適合,所以好值得入戲院睇。而且3D嘅效果唔錯,睇完唔會覺得頭暈。

【現實和虛擬】「彩蛋」以外,《挑戰者1號》還有甚麼?

ready-player-one-4k-dz.jpg

劇情方面係有少少老土嘅,明明大家都成日話網絡世界好多壞人,正邪難分,但主角嘅認識既一面倒個個都係好人,少咗D爭扎位咯。 套戲開始到中間都大部分時間係以玩家角色現身,真人出現嘅比例偏低 ,觀眾難D同真人主角建立聯繫,所以結局位難有共鳴。而且一開始係現場世界見到既所有遊戲玩家都係自私自利,視武器至為重要,但去到最後,所有遊戲玩家又突然唔介意喪失所有武器財產,唔係好明中間轉折位。

而且,遊戲世界玩得咁先進,但現實世界嘅追逐打鬥場面同埋環境,仍然非常原始,其實都幾諷刺。

Anyway, 套戲130分鐘,好快就睇完,唔需要去廁所,睇完都唔覺得浪費生命。我俾8分!

【零劇透影評】《復仇者聯盟3:無限之戰》-Marvel可以雄霸全球,絕非偶然

RPO_TRLR_0173.0.jpg

Facebook專頁 : 給我一個看電影的理由  ( https://www.facebook.com/reasonformovie )

Leave a Reply

Your email address will not be published.