【電影快訊】何佩瑜為新戲《作家的謊言》犧牲 三星期暴肥15磅!

原著香港最強網絡作家向西村上春樹之人氣力作《作家的謊言》,現時已拍得如火如荼,首次擔任監製兼任男主角的張建聲 ( Justin ),片中確實艷福不淺,分別與松岡李那和何佩瑜 ( Jeana ) 有感情戲,松岡日前更透露拍這部戲時經常要穿 underwear,相比之下,何佩瑜就日日有飽飯食。不過,由於飾演張建聲老婆「琦琦」的 Jeana 為角色需要而增肥15磅,所以她的臉頰、手腳、身形都變得圓潤,仲現出個迷人肚腩仔。

何佩瑜向來身材完美,平日她會做運動同注意飲食保持健美,但今次要做好師奶角色決意為藝術犧牲,日食夜食谷肥自己,結果她在短短三星期就膨脹15磅,成功達標。

張建聲當然大感滿意:「好感恩戲入面有兩個好嘅女主角,松岡李那要練廣東話、拍 love scene,有好多困難;何佩瑜為呢部戲就增肥,餐餐食兩盒叉雞飯,食雪糕,又薯片又汽水,望到心痛架,見到佢為角色付出、好入戲,係一個全新嘅 Jeana,作為增肥過來人,我明白難處,明明食唔落又要夾硬隊,睇住一個女仔咁樣付出係好值得尊重。」

至於何佩瑜就在社交網絡出文,指自己要食兩個飯盒的相片,更寫道:「以下動作有專人訓練切勿模仿,為了「琦琦」這角色,每餐自己吞下兩碗飯。」

何佩瑜透露其角色是個有小朋友的家庭主婦,但又有陰暗一面,同以往演出大不同,她說:「我個角色唔係靚靚女女,成個妝都要憔悴,身形要圓潤啲,靚嘅就交俾松岡。呢排我係咁食澱粉質食物,肥10幾磅唔難,初時我係咁食嘢增肥係冇胃口食唔到,食飽冇耐就要食啲酸嘢令胃口好啲,依家適應咗,一日好似食緊三日嘅嘢。我會俾個期限自己嘅,拍完之後兩個禮拜內要瘦番。」

何佩瑜稱她為演出不怕肥不怕醜,在她眼中,趙薇在《親愛的》演農婦師奶以及查理絲泰朗 / Charlize Theron在《美麗女狼 /  Monster》增肥扮魔頭,都是很美麗的角色,所以對於自己當下 130 磅身形毫不介意。

 

Facebook專頁 : 給我一個看電影的理由  ( https://www.facebook.com/reasonformovie )

Leave a Reply

Your email address will not be published.