【後生可畏】2017九部最賣座港片 蔡瀚億(BabyJohn)佔四部

截至今日 (12月22日),盤點2017年之港產片票房,最高票房頭九位均破千萬。蔡瀚億 (BabyJohn) 今年發威,除了參演《小男人週記3之吾家有喜》($1,652萬)、《29+1》($1,530萬)和《西謊極樂:太爆‧太子‧太空艙》($1,023萬)外,另一部他演出的《拆彈專家》($2,547萬) 同樣打入港片最高票房電影 Top 3,換言之九部最賣座港產片中,BabyJohn 佔四部,可見其作品有質有量。

所以,BabyJohn 是好開心,因為九佔四的成績表的確予他一個很大的肯定,「而且唔係自己演出咁簡單,我發現呢啲最高票嘅戲唔係全部槍林彈雨或者高科技,反而係社會議題好重嘅電影,呢個幾開心,因為除咗娛樂性豐富嘅電影之外,香港人都鍾意睇貼近生活或者話題嘅戲,希望下一年香港有更多呢類型嘅戲,有更多導演同投資者去投資。其實今年對我嚟講好滿意,我嘗試好多嘢,演出嘅第一部劇集《老表,畢業喇!》口碑都好好,第一次擔綱嘅電影《救殭清道夫》做男一,票房都幾好,今年係好收穫豐富嘅一年。」
2018 眨眼到,BabyJohn 亦會做每年必做的事,就係請工作團隊及合作過的朋友食飯,他笑說:「大家可以傾吓偈,回顧番上年嘅工作,今年食好啲吖!但我未諗到食咩,最重要齊人,齊齊整整團年。」其實 BabyJohn 的工作已排到明年中,其中包括拍電影及廣告,同時亦剛拍完一部電視劇,並寄望明年有更多作品帶俾觀眾欣賞。

Leave a Reply

Your email address will not be published.