【電影快訊】《攻殼機動隊》特技化妝幫拖 林雪變身聖誕老人鬥電腦

近年在網絡爆紅吸like的林雪,繼在超級猛片《真‧三國無雙》飾演董卓一角、被網民指為百分百還原這個遊戲角色後,林雪 BB 於今個聖誕又有神級演繹,就是扮大人小孩都喜愛的聖誕老人!其神似程度,單是個大肚腩已經完勝。

近日林雪為 Microsoft 平板電腦拍攝網上廣告,內容講述林雪請來施嘉莉祖安遜 / Scarlett Johansson 主演之美國科幻大片《攻殼機動隊 / Ghost in the Shell》的特技化妝團隊幫拖,兼動用十幾人做道具場景搞大龍鳳扮聖誕老人,大戰用 Surface Pro 及 Power Point 的創作型女文青 Ayu,兩組分別以人手和電腦比賽,鬥快將林雪裝扮成油畫上的聖誕老人,過程依嘩鬼叫,效果有趣。

不過得意的背後是要付出代價,當日林雪黐住一大餅白鬚,難免又痕又敏感,加上戴聖誕帽又披紅袍又長靴,非常之咁 hot。最搞笑係他在黐鬚時提醒化妝師「我用黃膠呀!」,讀出嚟似足粗口諧音,但導演覺得效果好,結果這句爆肚直出廣告。

其實今次林雪是第一次扮聖誕老人,但他對造型和廣告都好滿意,而私下他亦會做聖誕老人,真係估佢唔到。他笑說:「我都會買禮物俾屋企人同身邊朋友,最緊要大家開心,呢幾日香港天氣好凍,凍啲就有聖誕氣氛,但大家着多件衫,唔好凍親。祝大家聖誕快樂!」

 

Facebook專頁 : 給我一個看電影的理由  ( https://www.facebook.com/reasonformovie )

Leave a Reply

Your email address will not be published.