闖林明禎家鄉谷戲 BabyJohn 72小時跑全「馬」

蔡瀚億 (BabyJohn) 主演新片《救殭清道夫》,自上映後反應不錯,BabyJohn除了連日走勻港九新界各區戲院謝票外,亦去了馬來西亞三日,與片中演員包括大馬女神林明禎、錢小豪、吳耀漢、以及兩位導演趙善恆和甄栢榮,齊齊出席首映禮及展開72小時旋風式宣傳。

 

身為大馬地頭蟲的林明禎今次在家鄉宣傳其處女電影新作,不少明禎粉絲對於BabyJohn奪偶像銀幕初吻又愛又恨,但BabyJohn唔輸蝕,拍過多部電影的他亦儲落一班影迷,他說:「呢班大馬fans一路有睇我嘅電影,仲講得出我之前電影入面嘅角色,甚至連電影中嘅動作都做埋出嚟,我真係估唔到,今次佢哋係第一次見我,但我都好surprise。」


《夠殭》大馬宣傳之旅行程緊密,又要先後去吉隆坡、檳城等地做電台及見面會,但每次車程起標五粒鐘,坐車都坐到發吽哣,不過一落車見到大馬觀眾的熱情就即刻醒晒,BabyJohn笑說:「當地觀眾好熱情,仲同我哋一齊合唱電影主題曲『長相廝守』,又大合照,令到我哋好開心,大家即刻精神晒。」電影公司對一眾演員及主創亦貼心招呼,安排他們食好西,品嘗地道美食及娘惹糕點,所以BabyJohn雖然攰到散晒,但都覺得開心。

 

Facebook專頁 : 給我一個看電影的理由 https://www.facebook.com/reasonformovie)

Leave a Reply

Your email address will not be published.